ಲಲಿತ ರಗಳೆ

Description

ಸ್ನಾನದಿಂದ ತೊಡಗಿ ದೆವ್ವ-ಪಿಶಾಚಿಗಳವರೆಗೆ, ದೋಸೆ-ಚಟ್ನಿಯಿಂದ ಆರಂಭಿಸಿ ಗಿಡಮರಗಳ ಕಷ್ಟಸುಖದವರೆಗೆ ಈ ಲೋಕದಲ್ಲಿ ನಮಗೆಲ್ಲ ಕಾಣಿಸುವ, ಮತ್ತು ಕಾಣಿಸದೆ ಇರುವ, ಹತ್ತಾರು ಸಂಗತಿಗಳನ್ನು ಕುರಿತು ತಾಳಮದ್ದಲೆಯಲ್ಲಿ ಹದಗೊಂಡ ಮನಸ್ಸೊಂದು ನಡೆಸಿದ ಧ್ಯಾನಶೀಲ ಆಲೋಚನೆಗಳ ಗುಚ್ಛವೊಂದು ಈ ಪುಸ್ತಕದೊಳಗೆ ಕಟ್ಟಿಕೊಂಡಿದೆ. ಲಲಿತ ಪ್ರಬಂಧಗಳ ಲಘುತ್ವ ಮತ್ತು ದಾರ್ಶನಿಕ ನೋಟಗಳ ಗುರುತ್ವವೂ ಲಹರಿಯ ಸ್ವಚ್ಛಂದತೆಯೂ ವಿಚಾರದ ನಿಖರತೆಯೂ ಅಲ್ಲಲ್ಲಿ ಮುಖಾಮುಖಿಯಾಗಿ ನಮ್ಮನ್ನು ಬೆರಗುಗೊಳಿಸುವ ಹಲವು ಕ್ಷಣಗಳು ಈ ಪ್ರಬಂಧಗಳಲ್ಲಿ ನಮಗೆ ಎದುರಾಗಬಲ್ಲವು. ಮತ್ತು ನಮ್ಮದೇ ಮನೋಲಹರಿಯಲ್ಲಿ ಈ ಆಲೋಚನೆಗಳನ್ನು ಬೆಳೆಸಿಕೊಂಡು ಮರುರೂಪಿಸಿಕೊಳ್ಳುವ ಸ್ವಾತಂತ್ರ್ಯವನ್ನೂ ಈ ಬರಹಗಳು ನಮಗೆ ನೀಡುವಂತಿವೆ.