Sale!

ಕಥನ ಕುತೂಹಲ

SKU: 181
Category: , , , , , ,

144.00

20 In Stock
Weight 136.00000000 g
Number of pages

116

Year of Publication

1st Edition- 2016, 2nd Edition- 2022

Author

ಎಂ.ಎಸ್. ಶ್ರೀರಾಮ್

eBook

https://play.google.com/store/books/details/M_S_Sriram_Kathana_Kutoohala?id=QoDrDwAAQBAJ

20 in stock

Description

ಕನ್ನಡದ ಕಥನ ಪರಂಪರೆ ತುಂಬ ಸಮೃದ್ಧವಾಗಿದ್ದರೂ ಕಥನ ಕಲೆಯನ್ನು ಕುರಿತ ಬರಹಗಳು ತೀರಾ ಕಡಿಮೆ ಎಂದೇ ಹೇಳಬೇಕು. ಈ ಹಿನ್ನೆಲೆಯಲ್ಲಿ ಎಂ.ಎಸ್.ಶ್ರೀರಾಮ್ ಅವರ ಕಥನ ಕುತೂಹಲ ಒಂದು ಸ್ವಾಗತಾರ್ಹ ಪ್ರಕಟಣೆ. ಹಾಗೆ ನೋಡಿದರೆ ಶ್ರೀರಾಮ್ ಕನ್ನಡದ ವಿದ್ವತ್ತಿನ, ವಿಮರ್ಶೆಯ ಪರಂಪರೆಯಲ್ಲಿ ಮೂಡಿಬಂದವರಲ್ಲ. ಅವರೊಬ್ಬ ಪ್ರತಿಭಾವಂತ ಕತೆಗಾರರು. ಸಾಹಿತ್ಯ ಕೂಡ ಅವರ ಹಲವಾರು ಆಸಕ್ತಿಗಳಲ್ಲಿ ಕೇವಲ ಒಂದು. ಅವರು ಮ್ಯಾನೇಜ್‌ಮೆಂಟಿಗೆ ಸಂಬಂಧಪಟ್ಟ ವಿಷಯಗಳಲ್ಲಿ ತಜ್ಞರು. ಆ ವಿಷಯಗಳನ್ನು ಕುರಿತು ಬರೆಯುವವರು ಮತ್ತು ಬೋಧಿಸುವವರು. ಅವರು ತಮ್ಮ ಕತೆಗಳಿಂದ ಎಷ್ಟೋ, ಅರ್ಥಶಾಸ್ತ್ರವನ್ನು ಕುರಿತ ಬರಹಗಳಿಂದಲೂ ಪ್ರಸಿದ್ಧರು. ಆದರೆ ಕಥನವೆಂಬುದು ಅವರ ಮೂಲ ಮನೋಧರ್ಮವೆಂದು ಕಾಣುತ್ತದೆ. ಹಾಗಾಗಿ ಅವರ ಸಾಹಿತ್ಯೇತರ ಬರಹಗಳಲ್ಲೂ, ಪ್ರತಿನಿತ್ಯದ ಮಾತು, ಹರಟೆಗಳಲ್ಲೂ ಕಥನವೇ ಪ್ರಧಾನ. ಈ ಗುಣದಿಂದಾಗಿ ಜಡವೆನಿಸುವ ಎಷ್ಟೋ ಸಂಗತಿಗಳು ಇವರ ಕಥಾರೂಪದ ಬರವಣಿಗೆಯಿಂದಾಗಿ ಸ್ವಾರಸ್ಯಕರವಾಗಿರುತ್ತವೆ. ಹಾಗಾಗಿ ಶ್ರೀರಾಮ್ ಅವರ ಪುಸ್ತಕವು ಅವರನ್ನು ಬಲ್ಲವರಿಗೆ ಅನಿರೀಕ್ಷಿತವೇನೂ ಅಲ್ಲ. ವಿಮರ್ಶಕರೋ, ವಿದ್ವಾಂಸರೋ ಆಗಿಲ್ಲದಿರುವುದು ಶ್ರೀರಾಮರ ವಿಷಯದಲ್ಲಿ ಖಂಡಿತವಾಗಿ ಒಂದು ಋಣಾತ್ಮಕ ಸಂಗತಿಯಲ್ಲ. ಬದಲಾಗಿ ಈ ಕಾರಣದಿಂದ ಅವರ ಪುಸ್ತಕವು ವಿದ್ವತ್ತಿನ ಭಾರವನ್ನು ಕಳಚಿಕೊಂಡು ಈ ಬಗೆಯ ಹೆಚ್ಚಿನ ಕನ್ನಡ ಬರಹಗಳಲ್ಲಿ ಅಷ್ಟಾಗಿ ಕಾಣದ ಲವಲವಿಕೆಯಿಂದ ಕೂಡಿದೆ. ಒಂದು ಶಾಸ್ತ್ರವನ್ನು ಪರಿಚಯಿಸುವ ಪ್ರಾಧ್ಯಾಪಕನ ಧಾಟಿ ಇಲ್ಲಿಲ್ಲ. ಒಂದು ಸಿದ್ಧಾಂತವನ್ನು ಕಟ್ಟುವ ಒತ್ತಡವೂ ಇವರ ಮೇಲಿಲ್ಲ. ಬದಲಾಗಿ ಕುಶಲಿಯಾದ ಕತೆಗಾರನೊಬ್ಬ ತನ್ನ ಪ್ರಕಾರದ ಸ್ವರೂಪ, ಸಾಧ್ಯತೆಗಳಿಂದ ತಾನೇ ವಿಸ್ಮಿತನಾಗಿ ಆ ಬಗ್ಗೆ ಕುತೂಹಲದಿಂದ ವಿಚಾರಮಾಡುತ್ತಿದ್ದಾನೆ. ಈ ದೃಷ್ಟಿಯಿಂದ ಈ ಪುಸ್ತಕಕ್ಕೆ ಲೇಖಕರು ಕಥನ ಕುತೂಹಲ ಎಂಬ ಶೀರ್ಷಿಕೆಯನ್ನು ಕೊಟ್ಟಿರುವುದು ತುಂಬ ಉಚಿತವಾಗಿದೆ. ಶ್ರೀರಾಮ್ ಇಲ್ಲಿ ಕಥನವೆಂಬ ಕುತೂಹಲದ ಬಗ್ಗೆ ಧ್ಯಾನಿಸುತ್ತಿರುವಂತೆ ಕಥನವನ್ನು ಕುರಿತ ತಮ್ಮ ಕುತೂಹಲವನ್ನೂ ತೆರೆದಿಟ್ಟಿದ್ದಾರೆ.

Reviews

There are no reviews yet.

Be the first to review “ಕಥನ ಕುತೂಹಲ”

Your email address will not be published.

You may also like…

M.S. Sriram

ಎಂ ಎಸ್ ಶ್ರೀರಾಮ್ ಹುಟ್ಟಿದ್ದು ೧೯೬೨ರಲ್ಲಿ, ಆಂಧ್ರಪ್ರದೇಶದ ನೆಲ್ಲೂರಿನಲ್ಲಿ. ಉಡುಪಿ, ಬೆಂಗಳೂರು, ಮೈಸೂರು, ಆಣಂದದಲ್ಲಿ ವ್ಯಾಸಂಗ. ಹೈದರಾಬಾದಿನ ಸ್ವಯಂಸೇವಾ ಸಂಸ್ಥೆಯೊಂದರಲ್ಲಿ ಎರಡು ವರ್ಷ ಕೆಲಸ ಮಾಡಿ, ನಂತರ ಬೆಂಗಳೂರಿನ ಇಂಡಿಯನ್ ಇನ್ಸ್‌ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟಿನಿಂದ ಡಾಕ್ಟರೇಟ್ ಪಡೆದ ಮೇಲೆ ಆಣಂದದ ಇನ್ಸ್‌ಟಿಟ್ಯೂಟ್ ಆಫ್ ರೂರಲ್ ಮ್ಯಾನೇಜ್‌ಮೆಂಟಿನಲ್ಲಿ ಬೋಧಕರಾಗಿ, ಹೈದರಾಬಾದಿನ ಬೇಸಿಕ್ಸ್ ಸಂಸ್ಥೆಯಲ್ಲಿ ವೈಸ್ ಪ್ರೆಸಿಡೆಂಟ್ ಆಗಿ, ಅಹಮದಾಬಾದಿನ ಇಂಡಿಯನ್ ಇನ್ಸ್‌ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟಿನಲ್ಲಿ ಪ್ರೊಫೆಸರ್ ಕೆಲಸ ನಿರ್ವಹಿಸಿದ್ದಾರೆ. ಈಗ ಬೆಂಗಳೂರಿನ ಐಐಎಂನಲ್ಲಿ ಪ್ರಾಧ್ಯಾಪಕರಾಗಿ, ಸಾರ್ವಜನಿಕ ನೀತಿ ಕೇಂದ್ರದ ಅಧ್ಯಕ್ಷರಾಗಿ ಕೆಲಸ ಮಾಡುತ್ತಿದ್ದಾರೆ. ಶ್ರೀರಾಮ್ ಅವರ ಸಲ್ಮಾನ್ ಖಾನನ ಡಿಫಿಕಲ್ಟೀಸು (ಅಂಕಿತ ಪುಸ್ತಕ) ಕಥಾಸಂಗ್ರಹಕ್ಕೆ ೨೦೧೪ರ ಮತ್ತು ಅರ್ಥಾರ್ಥ (ಅಕ್ಷರ ಪ್ರಕಾಶನ) ಪ್ರಬಂಧಗಳ ಸಂಗ್ರಹಕ್ಕೆ ೨೦೧೫ರ ಕನ್ನಡ ಸಾಹಿತ್ಯ ಅಕಾಡೆಮಿಯ ಪುಸ್ತಕ ಬಹುಮಾನ ದೊರೆತಿದೆ. ಇದಲ್ಲದೇ ಅವರವರ ಸತ್ಯ (ಸಪ್ನ ಬುಕ್ ಹೌಸ್), ತೇಲ್ ಮಾಲಿಶ್ (ಅಂಕಿತ ಪುಸ್ತಕ), ನಡೆಯಲಾರದ ದೂರ, ಹಿಡಿಯಲಾಗದ ಬಸ್ಸು (ಆಕೃತಿ ಪ್ರಕಾಶನ), ನಾನು ನಾನೇ? ನಾನು ನಾನೇ! (ಮನೋಹರ ಗ್ರಂಥಮಾಲಾ) ಎಂಬ ಕತೆಗಳ ಸಂಕಲನಗಳು, ಬೇಟೆಯಲ್ಲ ಆಟವೆಲ್ಲ ಎಂಬ ಕತಾ-ಕಾದಂಬರಿ (ಅಕ್ಷರ ಪ್ರಕಾಶನ), ಕನಸು ಕಟ್ಟುವ ಕಾಲ (ವಸಂತ ಪ್ರಕಾಶನ), ಶನಿವಾರ ಸಂತೆ (ಅಂಕಿತ ಪುಸ್ತಕ), ಕಥನ ಕುತೂಹಲ (ಅಕ್ಷರ ಪ್ರಕಾಶನ) ಎಂಬ ಪ್ರಬಂಧ ಸಂಕಲನಗಳು, ವೈ ವಿ ರೆಡ್ಡಿಯವರ ಜೀವನದ ಬಗ್ಗೆ ಬಂದ ಪುಸ್ತಕಗಳನ್ನಾಧರಿಸಿ ಬರೆದ ಭಿನ್ನ-ಅಭಿಪ್ರಾಯ (ಅಕ್ಷರ ಪ್ರಕಾಶನ) ಎನ್ನುವ ನಿರೂಪಣೆಯನ್ನೂ ಸೇರಿಸಿ, ಶ್ರೀರಾಮ್ ಒಟ್ಟು ಹನ್ನೆರಡು ಕನ್ನಡ ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ. ಮಾಯಾದರ್ಪಣ ಅವರು ಬರೆದ ಕತೆಗಳ ಮೊದಲ ಸಂಕಲನ. ಇದಕ್ಕೆ ಮಾಸ್ತಿ ಕನ್ನಡ ಸೇವಾನಿಧಿ ಪ್ರಶಸ್ತಿ ದೊರೆತಿದೆ.

More By The Author